Kako vratiti prirodnu boju kose

Ocijeni tekst
(3 glasova)

 

Farbanje je u savremenom društvu postalo trend, pa tako farba za kosu odavno nije samo način prikrivanje sijedih ili sredstvo putem kojeg se naglašava prirodna boja kose ili osvježava. Trend mijenjanja boje kose rezultat je diktiranja stilista kako u obliku, tako i u boji kose. Ipak, iako gotovo ne postoji žena koje nije posegnula za farbom za kosu, često se javi želja – za vraćanjem prirodne boje kose. Nakon dugogodišnjeg farbanja ovaj zadatak nije nimalo lak, ali je ipak moguć. 

kosa2

 

Kolor šamponi ili farbe na biljnoj bazi – jedan su od načina da vratite prirodnu boju kose. Idealno vrijeme za otpočinjanje ovog procesa jeste kada je već počela da izrasta Vaša prirodna kosa i kada je vidljiva njena nijansa. Tada već sami ili uz pomoć stručnog lica možete da odredite koju boju za kosu da kupite. Izbor treba da bude kolor šampon koji je za dvije, tri nijanse svjetliji od prirodne boje. Šampon se nanosi na cijelu dužinu kosu, a samo farbanje vrši se nekoliko puta u određenim vremenskim intervalima, i pritom nanosi na cijelu dužinu kose. Prilikom svakog nanošenja kolor šampona bićete bliže prirodnoj boji kose.

Color remover – je skup proizvoda čija je funkcija uklanjanje vještačke boje sa kose. Njihova cijena je viša u odnosu na ostale preparate za kosu jer su namijenjeni za profesionalnu upotrebu. Ipak, na policama gotovo svake radnje sa kozmetičkim preparatima ovi proizvodi su dostupni i mogu se koristiti za kućnu upotrebu, iako je svaki savjet stručnog lica dobro došao. Prije upotrebe ipak treba uzeti u obzir nekoliko činjenica, poput one da je ovaj preparat namijenjen kosi koja je zdrava i njegovana, jer u suprotnom, osim što može da izostane rezultat, može doći do nejednakog skidanja farbe i „prošaranosti“ kose. Color remover je uglavnom namijenjen kosi koja se nije pretjerano često tretirala, i koja je redovno skraćivana. 

kosa 4

 

Povratak u prirodnu boju kose svakako je hrabar postupak koliko i prvo farbanje. I u jednoj i u drugoj odluci neophodno je prvo da dobro promislite. Možda je ipak bolje pobrinuti se da kosa bude zdrava i njegovana, a onda je svaka boja lijepa. Ljepota ipak dolazi iznutra. 

Poljednji put uređeno nedelja, 01 februar 2015 16:51

Ana Savić

Ana Savić

Ana je  blogerka i autorka iz Beograda. Uživa u pisanju i kreativnim poslićima. Trenutno radi kao freelancer za brojne websajtove. Smatra da i posao mora biti zadovoljstvo i da se svemu mora prići sa ljubavlju. Voli putovanja, DIY (uradi sam), stripove i knjige, te naučnu fantastiku. Anu možete pratiti ako je dodate na Google+.

E-mail: Ova adresa el. pošte zaštićena je od spam napada, treba omogućiti JavaSkript da biste je videli

Pratite nas i na Fejsu